24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Իմ վարչապետ ընտրվելուց հետո կձեռնարկեմ երկխոսության գործընթաց ԱԺ բոլոր քաղաքական ուժերի հետ. Փաշինյանը՝ Ալիկ Սարգսյանին. ՏԵՍԱՆՅՈՒԹ
Քաղաքականություն
01.05.2018 | 15:45
Ազգային ժողովի հատուկ նիստը շարունակվում է: Նիստի ընթացքում ԱԺ ՀՀԿ խմբակցության պատգամավոր Ալիկ Սարգսյանը վարչապետի թեկնածու Նիկոլ Փաշինյանից հետաքրքրվեց՝ եթե վարչապետ չընտրվի, ապա պայքարի ի՞նչ ձև է ընտրելու, և արդյոք չկա տարբերակ որևէ կերպ երկխոսության գնալու:
«Հանրապետականն այլևս չունի իշխանություն և չի ունենա, խնդիրն այն չէ, դուք ինձ ընտրո՞ւմ եք վարչապետ, թե՞ չեք ընտրում վարչապետ, թե՞ այս քաղաքական ճգնաժամը պետք է լուծվի առանց ձեզ: Ինչ վերաբերում է մեր պայքարին, ապա այն առաջին օրից եղել է բաց ձեռքերի և ոչ բռնի քաղաքական պայքար և չեմ պատկերացնում իրադարձությունների որևէ սցենար, որը մեզ դուրս կբերի այդ տրամաբանությունից: Մենք մերժել ենք բռնությունը և անգամ հակաբռնությունը»,- ի պատասխան՝ ասաց Փաշինյանը:
Վարչապետի թեկնածուն կոչ արեց ՀՀԿ-ական պատգամավորին ընթերցել Սերժ Սարգսյանի հրաժարականի տեքստը:
Մանրամասները՝ տեսանյութում:
