06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Մեծ Բրիտանիան Ուկրաինային լրացուցիչ 1,3 միլիարդ ֆունտ օգնություն կտրամադրի
Քաղաքականություն
08.05.2022 | 12:18
Մեծ Բրիտանիան Ուկրաինային ռազմական և մարդասիրական օգնության տեսքով լրացուցիչ 1,3 միլիարդ ֆունտ կտրամադրի։ Այս մասին տեղեկացրել է Reuters գործակալությունը։
Նշված գումարով Մեծ Բրիտանիան կրկնապատկում է Ուկրաինային ռազմական և ֆինանսական աջակցության իր հանձնառությունը, ինչը հակամարտությունից հետո հատկացված ամենաբարձր գումարն է՝ Իրաքում և Աֆղանստանում հակամարտություններից հետո։ Նաև հաղորդվում է, որ այդ գումարը Ուկրաինա կփոխանցվի այն պահուստներից, որոնք Բրիտանիան օգտագործում է արտակարգ իրավիճակների համար։
«Պուտինի դաժան հարձակումը Ուկրաինայի վրա ոչ միայն անասելի ավերածություններ է առաջացնում, այլև սպառնում է խաղաղությանն ու անվտանգությանը ողջ Եվրոպայում»,- ասել է Մեծ Բրիտանիայի վարչապետ Բորիս Ջոնսոնը հայտարարություն անելիս։
Լրատվամիջոցների հաղորդմամբ՝ Ջոնսոնն այս ամսվա վերջին հանդիպում կանցկացնի պաշտպանական առաջատար ընկերությունների ներկայացուցիչների հետ՝ քննարկելու արտադրության ավելացումը՝ ի պատասխան ուկրաինական պատերազմի հետևանքով առաջացած աճող պահանջարկի:
Բացի այդ, այսօր նախատեսված է «Մեծ յոթնյակի» առաջնորդների առցանց հանդիպումը, որին կմասնակցի նաև Ուկրաինայի նախագահ Վոլոդիմիր Զելենսկին։
