16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Ստոլտենբերգը նախազգուշացրել է, որ պատերազմն Ուկրաինայում կարող է տարիներով շարունակվել
Քաղաքականություն
07.05.2022 | 12:35
ՆԱՏՕ-ն աջակցում է Ուկրաինային, սակայն չի պատրաստվում դառնալ հակամարտության կողմ: «Արմենպրես»-ի փոխանցմամբ, այս մասին Welt am Sontag պարբերականին տված հարցազրույցում հայտնել է Հյուսիսատլանտյան դաշինքի գլխավոր քարտուղար Յենս Ստոլտենբերգը:
«Ցավալի է, սակայն մենք պետք է պատրաստ լինենք Ուկրաինայում երկարատև պատերազմի, որը կարող է շարունակվել ամիսներ ու անգամ տարիներ: Երկարաժամկետ հեռանկարում Ուկրաինան չի կարող պաշտպանվել միայն Խորհրդային Միության ժամանակների զենքով ու պետք է անցում կատարի ժամանակակից արևմտյան զենքի: Ուկրաինային հրատապ կերպով անհրաժեշտ է ավելի շատ ծանր սպառազինություն, Արևմուտքը պետք է ինտենսիվացնի մատակարարումները»,- հայտարարել է Ստոլտենբերգը:
Նա ընդգծել է, որ պետք է անել ամեն բան՝ թույլ չտալու, որ հակամարտությունը տարածվի մյուս երկրներում: «Այդ պատճառով մենք ՆԱՏՕ-ի զորք չենք ուղարկում Ուկրաինա: Մենք աջակցում ենք այդ երկրին, սակայն ՆԱՏՕ-ն գիտակցաբար պատերազմի կողմ չի դառնում»,- նշել է ՆԱՏՕ-ի գլխավոր քարտուղարը:
