20.04.2026 | 13:18
Ռոբերտ Հովհաննիսյանը և Հայկ Մարտիրոսյանն աշխարհի գավաթի ուղեգիր են նվաճել ԵԱ-ում
Իշխանությունը ձեզ հետ կարող է քննարկել միայն թալանը անցնցում վերադարձնելու հարցը․ Բադալյանը՝ ընդդիմությանը. ՏԵՍԱՆՅՈՒԹ
Քաղաքականություն
06.05.2022 | 12:29
«Ո՞րն է ձեր նպատակաը, երբ դուք Նիկոլ Փաշինյանին տարբեր հարթակներում անընդհատ մեղադրում եք պատերազմի համար, դրանով աշխարհին ուզում եք ասել, որ Ադրբեջանը բացարձակապես մեղք չո՞ւնի, կապ չունի՞ պատերազմ սանձազերծելու հետ»,- ԱԺ արտահերթ նիստում ԱԺ ամբիոնից այս հարցն ընդդիմությանն ուղղեց «Քաղաքացիական պայմանագիր» խմբակցության պատգամավոր Լուսինե Բադալյանը՝ անդրադառնալով ընդդիմության գործելաոճին, մասնավորապես հայտարարությանը, թե ժամը 12.00-ից կաթվածահար է անելու Երևանը՝ ՀՀ վարչապետ Նիկոլ Փաշինյանի հրաժարականի պահանջով:
Իշխանական պատգամավորը նաև պահանջեց, որ բողոքի ակցիաներ իրականացնող ընդդիմությունը պատասխանի ևս մի քանի հարցերի՝ ինչպե՞ս են պատկերացնում հարևանների հետ հարաբերությունները, ո՞վ է ընդդիմության վարչապետի թեկնածուն, ի՞նչ է լինելու Արցախի հետ:
Լուսինե Բադալյանի խոսքով՝ ընդդիմությունը հանրության մեջ փորձում է տեղեկություններ տարածել, որ վարչապետը պատրաստվում է հրաժարական տալ կամ անցնցում հեռանալու տարբերակներ է քննարկում:
««Քաղաքացիական պայմանագիր» խմբակցությունը՝ ՀՀ վարչապետի գլխավորությամբ, ձեզ հետ կարող է քննարկել միայն թալանը անցնցում վերադարձնելու տարբերակը, մնացած տարբերակները քննարկելի չեն»,- հայտարարեց Բադալյանը:
Մանրամասները՝ տեսանյութում:
