16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Հնդկաստանը կրկին չի դատապարտել ՌԴ-ի ռազմական գործողություններն Ուկրաինայում․ Մակրոնն ու Մոդին հանդիպել են Ֆրանսիայում
Քաղաքականություն
06.05.2022 | 12:37
Հնդկաստանն ու Ֆրանսիան կոչ են արել անհապաղ դադարեցնել ռազմական գործողություններն Ուկրաինայում։
Միաժամանակ, Հնդկաստանի վարչապետ Նարենդրա Մոդին կրկին չի դատապարտել Ռուսաստանի ներխուժումը հարևան երկիր, գրում է VOA-ն։
Հնդկաստանը, որն իր ռազմական տեխնիկայի մեծ մասը ներկրում է Ռուսաստանից, երկար ժամանակ է՝ փորձում է քայլել Արևմուտքի և Մոսկվայի միջև դիվանագիտական լարի վրայով, մասնավորապես՝ հրաժարվելով դատապարտել կամ ՄԱԿ-ում դեմ քվեարկել Ուկրաինայում Ռուսաստանի գործողությունների կապակցությամբ բաաձևերին։
«Ֆրանսիան և Հնդկաստանը իրենց խորը մտահոգությունն են հայտնել հումանիտար ճգնաժամի և Ուկրաինայում շարունակվող հակամարտության կապակցությամբ։ Երկու երկրներն էլ անվերապահորեն դատապարտել են Ուկրաինայում խաղաղ բնակիչների սպանությունը և կոչ են արել անհապաղ դադարեցնել ռազմական գործողությունները, որպեսզի երկու կողմերը կարողանան միավորվել՝ երկխոսությանն ու դիվանագիտությանը նպաստելու և ժողովրդի տառապանքին անհապաղ վերջ դնելու համար»,- ասված է Մոդիի և Մակրոնի՝ Փարիզում կայացած հանդիպման արդյունքներով համատեղ հայտարարության մեջ:
Սակայն միայն Ֆրանսիան է դատապարտել «ռուսական ուժերի անօրինական և չարդարացված ագրեսիան Ուկրաինայի դեմ»։
Տաթև Ֆռանգյան
