06.11.2024 | 21:31
Ռուսական էլիտաները գաղտնի շնորհավորանքներ են փոխանցել Թրամփին հաղթանակի կապակցությամբ
Ռուսաստանը ռազմական գործողությունների մեկնարկից հետո արգելափակել է ավելի քան 3000 կայք․ Ռոսկոմսվոբոդա
Քաղաքականություն
05.05.2022 | 20:13
Ուկրաինայում պատերազմի մեկնարկից ի վեր Ռուսաստանն արգելափակել է ավելի քան 3000 ինտերնետ ռեսուրսների հասանելիությունը։ BBC-ի ռուսական ծառայության հաղորդմամբ՝ այս մասին հայտնում է «Ռոսկոմսվոբոդա» իրավապաշտպան նախագիծը:
Արգելափակված ինտերնետ ռեսուրսների թվում են սոցիալական ցանցեր, լրատվամիջոցներ, հասարակական կազմակերպությունների ռեսուրսներ և առևտրային հարթակներ: Արգելափակման հիմնական նախաձեռնողը ՌԴ Գլխավոր դատախազությունն է։
«Ռոսկոմսվոբոդան» նշում է, որ բացի լրատվամիջոցներց, սոցիալական ցանցերից և հանրային ռեսուրսներից՝ արգելափակված են նաև բոլորովին անսպասելի կայքեր, օրինակ՝ մեքենայի մանկական նստատեղերի առցանց խանութը կամ էլեկտրոնային հղումների թեստավորման ծառայությունը։ Բոլոր դեպքերում էլ պատճառը մեկն է՝ Ռուսաստանի հասցեին հակապատերազմական կամ քննադատական հայտարարությունների հրապարակումը։
Տաթև Ֆռանգյան
