14.09.2026 | 09:45
Արտարժույթների փոխարժեքները՝ սեպտեմբերի 14-ի դրությամբ
Վրաստանի ԱԳՆ-ն տարհանվելու է. երկրաշարժից հետո շենքում ճաքեր են առաջացել
Քաղաքականություն
05.05.2022 | 18:13
Վրաստանի ԱԳՆ-ն մոտ ապագայում պետք է ժամանակավորապես տեղափոխվի այլ շենք, գրում է Գրուզիա օնլայնը։
Թբիլիսիի Չիտաձեի 4-6 հասցեում գտնվող հին շենքը վնասվել է ստորգետնյա ցնցումներից, շենքում սկսել են ճաքեր առաջանալ, իսկ եղածներն ավելի են լայնացել։
Պարբերականի փոխանցմամբ՝ այս պահին որոշում է կայացվել անձնակազմին և գույքը տեղափոխել Լեոնիձեի փողոցում գտնվող Ազգային բանկի նախկին շենք։ Գույքի տեղափոխման և պահպանման ծառայությունները, ըստ նախնական հաշվարկի, բյուջեին կարժենա 26․100 լարի։ Այդ մասին է վկայում պարզեցված գնման հայտը, որը պետք է դիտարկել մինչև մայիսի 10-ը։
Նախարարությունը հղում է անում 2022 թվականի փետրվարի 13-ի երկրաշարժից հետո Սամխարաուլիի դատական փորձաքննության ազգային բյուրոյի եզրակացությանը։ Արտաքին գործերի նախարարության վարչական շենքերի համալիրի տեխնիկական վիճակը գնահատվել է անբավարար և սեյսմիկ չափանիշներին չհամապատասխանող։
Տաթև Ֆռանգյան
