07.02.2026 | 22:24
Հնդկաստանի ԶՈւ շտաբի պետին ներկայացվել են Հայաստանի և Հնդկաստանի արտադրության սպառազինության նմուշները
Մոսկվան պերսոնա նոն գրատա է հայտարարել ՌԴ-ում Դանիայի դեսպանատան յոթ աշխատակցի
Քաղաքականություն
05.05.2022 | 16:04
Մոսկվան պերսոնա նոն գրատա է հայտարարել Ռուսաստանում Դանիայի դեսպանատան յոթ աշխատակցի, դիվանագետները պետք է լքեն երկիրը երկու շաբաթվա ընթացքում: Սպուտնիկի հաղորդմամբ՝ այս մասին հայտնել է ՌԴ ԱԳՆ-ն։
Գերատեսչությունից նշել են, որ ՌԴ-ում Դանիայի դեսպան Կարստեն Սենդերգաարդը կանչվել է ԱԳՆ։ Նրան բողոք են ներկայացրել «Թագավորության անհիմն գործողությունների և ռուս դիվանագետների արտաքսման կապակցությամբ»։
«Դեսպանին զեկուցվել է, որ ի պատասխան՝ ՌԴ-ում Դանիայի Թագավորության դեսպանատան յոթ աշխատակիցներ հայտարարվել են պերսոնա նոն գրատա, նրանք պետք է լքեն երկիրը երկու շաբաթվա ընթացքում։ Նաև մերժվել է վիզա տրամադրել դանիական դիվանագիտական առաքելության աշխատակցին»,- ասվում է ՌԴ ԱԳՆ կայքում տեղադրված հաղորդագրության մեջ։
Տաթև Ֆռանգյան
