20.04.2026 | 11:18
Փաշինյանը ներկայացնում է ՔՊ նախընտրական ծրագիրը․ ՏԵՍԱՆՅՈՒԹ
Տարվա վերջում ինձ զեկուցեք, որ 500 կմ ճանապարհը կառուցվել է. Փաշինյան. ՏԵՍԱՆՅՈՒԹ
Տնտեսություն
05.05.2022 | 12:00
Հայաստանը հունվարից մինչև ապրիլի 20-ը 1 միլիարդ դոլարից ավելի առևտրաշրջանառություն է ունեցել։ Կառավարության այսօրվա նիստում այս մասին հայտարարեց ՀՀ վարչապետ Նիկոլ Փաշինյանը։
«Իհարկե, այստեղ որոշակի դեր ունի գնաճը, բայց մեր բոլոր վերլուծությունները ցույց են տալիս, որ գնաճի դերը այդ ամբողջի մեջ կարող է լինել 15-20 տոկոս, և ոչ ավելին։ Այսինքն, մեկ միլիարդ դոլարից ավելի առևտրաշրջնառություն ենք ունեցել այս տարվա 3 ամսում, գումարած ապրիլի 20 օրը։ Սա շատ կարևոր է և որոշակի լավատեսություն է հաղորդում»,- հավելեց Փաշինյանը։
Փաշինյանն ընդգծեց, որ 2022 թվականի բյուջեով նախատեսված կապիտալ ծախսերը լիարժեք պետք է իրականացվեն։
Վարչապետը տեղեկացրեց, որ Տարածքային կառավարման և ենթակառուցվածքների նախարար Գնել Սանոսյանի հետ մայիսի 4-ին այդ թեմայով աշխատանքային խոսակցություն են ունեցել։
«Ամենամեծ հատվածը ձեր նախարարությունն է իրականացնում։ Եվ այնտեղ կոնկրետ խնդիրներ են դրված, այդ թվում՝ ճանապարհաշինության ոլորտում։ Երեկ մենք պայմանավորվել ենք, և պարզ է, որ ամեն ինչ հեշտ չի արվում և ամեն ինչ ունի իր բարդությունը, բայց խնդիր է դրված, որ 500 կիլոմետր պետք է կառուցվի, ուրեմն տարվա վերջում պետք է անբեկանելիորեն ինձ զեկուցեք, որ 500 կիլոմետր ճանապարհը կառուցվել է, որպեսզի մենք մեր խնդիրները կարողանանք լուծել»,- ընդգծեց Փաշինյանը։
Մանրամասները՝ տեսանյութում:
