06.10.2026 | 11:08
Ռուբիոն բարձր է գնահատել Հայաստանի հետ խաղաղության գործընթացին Ադրբեջանի հանձնառությունը
Մենք որևէ շենք չենք գրավելու. սադրանքի չենք դիմելու. ընդդիմադիրները երթով շարժվում են դեպի ԱԺ. ՏԵՍԱՆՅՈՒԹ
Քաղաքականություն
04.05.2022 | 16:59
Ֆրանսիայի հրապարակում մեկնարկել է ընդդիմության հանրահավաքը՝ ՀՀ վարչապետ նիկոլ Փաշինյանի հրաժարականի պահանջով։ Այդ ընթացքում ԱԺ-ի շենքի մոտ ուժեղացված ծառայություն են իրականացնում ոստիկանական ուժերը։
Իշխան Սաղաթելյանը հնչեցրեց այն տեքստը, որն ԱԺ ընդդիմադիր խմբակցությունների պատգամավորները քիչ հետո՝ ԱԺ-ում ընթացող կառավարության հետ հարց ու պատասխանի ժամանակ պետք է ներկայացնեն Նիկոլ Փաշինյանին։
Պահանջը հնչեցնելուց հետո Սաղաթելյանը, դիմելով հանրահավաքի մասնակիցներին, հայտարարեց, որ կազմակերպված շարժվում են դեպի ԱԺ։ Զգուշացրեց, որ հանրահավաքի որևէ մասնակից հանկարծ չտրվի որևէ սադրանքի։
«Մենք որևէ շենք չենք գրավելու»,- նշեց Սաղաթելյանը:
Նշենք, որ ԱԱԾ-ն մինչ այս հաղորդագրություն էր տարածել՝ նշելով, որ ծառայությունում հավաստի օպերատիվ տվյալներ են ստացվել, որ Երևան քաղաքում անցկացվող հավաքի կազմակերպիչները մտադրված են այսօր անցկացվող ՀՀ ԱԺ հերթական նստաշրջանի ընթացքում սադրանքների միջոցով հրահրել հակաօրինական գործողություններ և դրդել հավաքի մասնակիցներին զավթել ԱԺ շենքը և հարկադրել կատարելու որևէ գործողություն՝ այդ կերպ ապակայունացնել երկրի ներքին անվտանգությունը, խաթարել հասարակական կարգն ու անվտանգությունը։
Մանրամասները՝ տեսանյութում:
