26.11.2024 | 15:37
Երևանի և Լոս Անջելեսի միջև ստորագրվել է փոխըմբռնման հուշագիր. օրակարգում թվային վերափոխումն է
Շոյգուն հայտարարել է, որ Մարիուպոլը ռուսական բանակի վերահսկողության տակ է
Քաղաքականություն
04.05.2022 | 14:09
ՌԴ պաշտպանության նախարար Սերգեյ Շոյգուն հայտարարել է, որ ռուսական բանակը վերահսկում է ուկրաինական Մարիուպոլ քաղաքը, գրում է BBC-ի ռուսական ծառայությունը։
«Լուգանսկի և Դոնեցկի «ազատագրված» տարածքներում և Ուկրաինայում խաղաղ կյանք է հաստատվում, այդ թվում՝ Մարիուպոլում՝ Ազովի ծովի ամենամեծ արդյունաբերական և տրանսպորտային հանգույցում։ Այն գտնվում է ռուսական բանակի հսկողության տակ»,- ասել է Շոյգուն։
Նրա խոսքով՝ ուկրաինացի զինվորականները, որոնք գտնվում են «Ազովստալ»-ի տարածքում, հրաժարվել են զենքերը վայր դնել և հիմա արգելափակված են գործարանում։
Շոյգուն նաև հայտարարել է, որ ՆԱՏՕ-ի ցանկացած տրանսպորտ, որը կժամանի Ուկրաինա՝ ուկրաինական բանակին օգնելու նպատակով, կդիտարկվի որպես խոցման թիրախ։
Մինչ այդ, Ուկրաինայի ՊՆ հետախուզության գլխավոր վարչությունը հայտնում է, որ Մարիուպոլ է ժամանել ՌԴ նախագահի աշխատակազմի ղեկավարի առաջին տեղակալ Սերգեյ Կիրիենկոն։ Գերատեսչության տվյալներով՝ Մարիուպոլում նա պատրաստվում է մինչև մայիսի 9-ը ռազմական շքերթ կազմակերպել։
Էմմա Չոբանյան
