16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
«Ազովստալ»-ի մոտ ակտիվ մարտերը վերսկսվել են
Քաղաքականություն
03.05.2022 | 17:36
Ռուսական բանակը հարձակում է սկսել Մարիուպոլի «Ազովստալ» գործարանի վրա: Տեղեկությունը հաստատել է Մարիուպոլի պարեկային ոստիկանության պետ Միխայիլ Վերշինինը, գրում է BBC-ի ռուսական ծառայությունը։
Ավելի վաղ հարձակում սկսելու մասին հայտնել էր ուկրաինացի ռազմական թղթակից Անդրեյ Ցապլիենկոն։
«Հենց հիմա փորձում են ներխուժել գործարանի տարածք: Լայնածավալ հրդեհ է բռնկվել, որի ծուխը տեսանելի է Մարիուպոլի գրեթե բոլոր շրջաններում»,- գրել էր Ցապլիենկոն՝ հավելելով, որ մինչ այդ ավիացիան մի քանի ժամ ռմբակոծել է «Ազովստալ»-ը։
Հարձակման մասին տեղեկությունը «Ուկրաինական պրավդա»-ին հաստատել է «Ազով» գնդի հրամանատարի տեղակալ Սվյատոսլավ Պալամարը։
«Ամբողջ գիշեր մեզ ռմբակոծում էին ավիացիոն ռումբերով, երկու կին է սպանվել՝ քաղաքացիական, իսկ այժմ գրոհում են «Ազովստալը»»,- ասել է նա։
ՌԴ ՊՆ-ն իր հերթին հայտարարել է, որ «ուկրաինացի զինվորականներն օգտվել են «Ազովստալ»-ում լռությունից և դիրքավորվել են կրակային դիրքերում»։
«Ռուսական բանակի և Դոնեցկի ժողովրդական հանրապետության ստորաբաժանումները, օգտագործելով հրետանի և ավիացիա, սկսում են ոչնչացնել այդ կրակային դիրքերը»,- ասվում է գերատեսչության հայտարարության մեջ։
Տաթև Ֆռանգյան
