06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Գերմանիան կաջակցի Շվեդիային և Ֆինլանդիային, եթե նրանք որոշեն անդամակցել ՆԱՏՕ-ին. Շոլց
Քաղաքականություն
03.05.2022 | 18:21
Ֆինլանդիան և Շվեդիան կարող են հույս դնել Գերմանիայի աջակցության վրա, եթե որոշեն դառնալ ՆԱՏՕ-ի անդամ։ Այս մասին հայտարարել է Գերմանիայի կանցլեր Օլաֆ Շոլցը այդ երկրների վարչապետների հետ համատեղ մամուլի ասուլիսում, գրում է ՏԱՍՍ-ը։
Նրա խոսքով՝ Գերմանիայում ուշադրությամբ հետևում են դաշինքին միանալու քննարկումներին։
«Մեզ համար հստակ է՝ եթե այս երկու երկրները որոշեն, որ ցանկանում են դառնալ ՆԱՏՕ-ի անդամ, ապա կարող են հույս դնել մեր աջակցության վրա»,- ասել է Շոլցը՝ նշելով, որ անդամակցելու որոշումը պետք է կայացնեն միայն այս երկու երկրների քաղաքացիները։
Նա նաև հավելել է, որ Գերմանիան Ֆինլանդիային և Շվեդիային համարում է գործընկերներ՝ անկախ նրանից՝ նրանք ՆԱՏՕ-ի անդամ են, թե՝ ոչ։
Նշենք, որ Շվեդիայի և Ֆինլանդիայի՝ ՆԱՏՕ-ին անդամակցելու մասին քննարկումները սկսվեցին Ուկրաինայում պատերազմի մեկնարկից հետո։
Էմմա Չոբանյան
