16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Լարված իրավիճակ Փարիզում․ արմատականները ավերում են խանութները, ոստիկանների հետ բախումներ են
Քաղաքականություն
01.05.2022 | 20:50
Փարիզի կենտրոնում, որտեղ ընթանում է մայիսմեկյան ցույցը, արմատականները ջարդել են բանկերի ու ապահովագրական ընկերությունների պատուհաններ։ Այս մասին հայտնում է РИА Новости-ն։
Անկարգությունների մասնակիցները քանդված շենքերից դուրս են բերում կահույքը և հրկիզում։ Ենթադրվում է, որ այդպես արմատականները «խորհրդանշում են» կապիտալիզմի դեմ պայքարը։ Խուլիգանները նաև խանգարում են հրշեջներին հանգցնել կրակը։
Իրավապահները փորձում են դադարեցնել անկարգությունները։ Նրանք ձերբակալում են իրավախախտներին, արցունքաբեր գազով նռնակներ կիրառում։ Ի պատասխան՝ արմատականները գազային նռնակներ են նետում։
Փարիզում ավանդական մայիսմեկյան ցույցին մասնակցում են արհմիությունների, երիտասարդական կազմակերպությունների ներկայացուցիչներ, «Դեղին բաճկոններ» շարժման կողմնակիցներ, սոցիալիստական և կոմունիստական կուսակցությունների ներկայացուցիչներ: Ենթադրվում է, որ ցույցին ներկա է 20 հազար մարդ։
Ապրիլի 24-ին Ֆրանսիայում ցույցեր են սկսվել երկրի նախագահի ընտրությունների արդյունքների հայտարարումից հետո, որտեղ հաղթել է Էմանուել Մակրոնը: Լիոնում փողոց էր դուրս եկել 200-300 մարդ։
