06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
ՆԱՏՕ-ի ներկայացուցիչն ասել է, որ Դաշինքը դրական է գնահատում Ադրբեջանի և Թուրքիայի զինված ուժերի սերտ համագործակցությունը
Քաղաքականություն
29.04.2022 | 18:46
Ադրբեջանի պաշտպանության նախարար Զաքիր Հասանովն այսօր Բաքվում ընդունել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինային, գրում են տեղական լրատվամիջոցները։
Հաղորդվում է, որ Հասանովը Կոլոմինային է ներկայացրել Արցախի գրավյալ տարածքներում իրականացվող աշխատանքների, Հայաստանի և Ադրբեջանի ներկա սահմանային իրավիճակի մասին։ Նա նաև ընդգծել է Ադրբեջանի հաջող համագործակցությունը ՆԱՏՕ-ի հետ և կարևորել համագործակցության հետագա զարգացումը։
«Կոլոմինան իր հերթին դրական է գնահատել ադրբեջանական բանակի սերտ համագործակցությունը Թուրքիայի ԶՈՒ-ի հետ և ընդգծել, որ այդ համագործակցությունը նշանակալի ներդրում ունի Ադրբեջանի և ՆԱՏՕ-ի միջև հարաբերություններում»,- ասվում է Ադրբեջանի ՊՆ հաղորդագրության մեջ։
Կողմերը նաև կարծիքներ են փոխանակել երկկողմ հարաբերությունների զարգացման հեռանկարների, տարածաշրջանում ռազմաքաղաքական իրավիճակի և փոխադարձ հետաքրքրություն ներկայացնող այլ հարցերի շուրջ։
Հավելենք, որ Կոլոմինան նախօրեին հանդիպել էր Ադրբեջանի նախագահ Իլհամ Ալիևին և ԱԳ նախարար Ջեյհուն Բայրամովին։
Ավելի վաղ Կոլոմինայի գլխավորած պատվիրակությունն այցելել էր Երևան։
Էմմա Չոբանյան
