26.11.2024 | 21:14
Ուժեղացված ծառայություն Երևանում. տարբեր կասկածանքներով բաժիններ է տեղափոխվել 22 անձ
Երուսաղեմում բախումների հետևանքով ավելի քան 40 մարդ է տուժել
Քաղաքականություն
29.04.2022 | 17:54
Երուսաղեմում Տաճարի լեռան վրա պաղեստինցի ցուցարարների և իսրայելական անվտանգության ուժերի միջև նոր բախումների հետևանքով տուժել է 42 մարդ, նրանցից 22-ը հոսպիտալացվել է։ Այս մասին հայտնել է Պաղեստինի Կարմիր մահիկի կոմիտեն, գրում է DW-ի ուսական ծառայությունը։
Իսրայելի ոստիկանության տվյալներով՝ անկարգությունները տեղի են ունեցել Ալ-Աքսա մզկիթի տարածքում. «ջարդարարները» քարեր և հրկիզվող նյութեր են նետել Լացի պատի ուղղությամբ։ AFP-ի թղթակիցը հայտնել է, որ Իսրայելի անվտանգության ուժերը պատասխանել են ռետինե փամփուշտներով և արցունքաբեր գազով։ Առավոտյան աղոթքից հետո իրավիճակը մի փոքր հանդարտվել է։
Իսրայելցիների և պաղեստինցիների միջև լարվածությունը վերջին տարիներին սրվել է։ Վերջին երկու շաբաթվա ընթացքում Ալ-Աքսա մզկիթի մոտ բախումների հետևանքով ավելի քան 250 մարդ է տուժել։ Մարտի վերջից 14 իսրայելցիներ մի շարք ահաբեկչությունների զոհ են դարձել։
Հորդանան գետի արևմտյան ափում իսրայելական զորքերի գործողությունների հետևանքով տասնյակ պաղեստինցիներ են զոհվել, այդ թվում՝ հարձակումների մի քանի ենթադրյալ հեղինակներ։
Տաթև Ֆռանգյան
