16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Մոլդովայի և չճանաչված Մերձդնեստրի պատվիրակությունները բանակցություններ են անցկացրել
Քաղաքականություն
29.04.2022 | 16:57
Ապրիլի 28-ին Մոլդովայի պատվիրակությունը Վառնիցայում հանդիպել է չճանաչված Մերձդնեստրի իշխանությունների ներկայացուցիչների հետ՝ տարածաշրջանում սադրանքների ֆոնին, հայտնում է Newsmaker-ը։
Մոլդովայի պատվիրակության կազմում են եղել վերաինտեգրման հարցերով փոխվարչապետ Օլեգ Սերեբրյանը և նախագահի խորհրդական Դորին Ռեչանը, Մերձդնեստրի պատվիրակության կազմում՝ տարածաշրջանի ղեկավար Վադիմ Կրասնոսելսկին:
Նշվում է, որ կողմերը քննարկել են տարածաշրջանում անվտանգության իրավիճակը։ Բանակցությունների այլ մանրամասներ չեն հաղորդվում։
Ի դեպ, սա նման մակարդակով առաջին բանակցությունն է Մայա Սանդուի նախագահական ժամկետի սկզբից ի վեր, իսկ Մոլդովայի պատվիրակության ներկայացվածությունն աննախադեպ է։
Այսօր ավելի վաղ ԵՄ դիվանագիտության ղեկավար Ժոզեպ Բորելը կոչ է արել պատասխանատու կողմերին խուսափել Մերձդնեստրում իրավիճակի ապակայունացումից։
Տաթև Ֆանգյան
