06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Կիևի հրթիռակոծության հետևանքով մահացել է «Ազատություն» ռադիոկայանի պրոդյուսերը
Քաղաքականություն
29.04.2022 | 14:58
Երեկ Կիևի գնդակոծության հետևանքով զոհվել է «Ազատություն» ռադիոկայանի պրոդյուսեր Վերա Գիրիչը։ Հրթիռը դիպել է այն տանը, որտեղ նա ապրում էր։ Կնոջ դին հայտնաբերվել է այսօր, ՈւՆԻԱՆ-ի հաղորդմամբ՝ հայտնել են մահացածի գործընկերները։
Խմբագրությունից պատմել են, որ Վերա Գիրիչն «Ազատություն» ռադիոկայանի Կիևի բյուրոյում աշխատանքի է անցել 2018 թվականի փետրվարի 1-ից։ Մինչ այդ, նա աշխատել է ուկրաինական առաջատար հեռուստաալիքներում։
Ապրիլի 28-ին Ուկրաինայի ՆԳՆ-ն հայտնել է Կիևում նոր հզոր պայթյունների մասին։ Այնուհետև հայտնի է դարձել, որ հրթիռային հարվածներ են հասցվել Շևչենկոյի թաղամասի բնակելի շենքին։ Ռուսաստանը թևավոր հրթիռներով Կիևին հարվածել է ՄԱԿ-ի գլխավոր քարտուղար Անտոնիո Գուտերեշի այցի ժամանակ։
Երկրի նախագահի աշխատակազմի ղեկավարի խորհրդական Ալեքսեյ Արեստովիչը մեկնաբանել է հրթիռակոծումը՝ նշելով, որ «իրավիճակի սրացումը տեղի է ունեցել ամենավատ սցենարով»։ ԵՄ-ն ցնցված է Կիևին Ռուսաստանի Դաշնության հարվածներից, որտեղ գտնվում էին ՄԱԿ-ի գլխավոր քարտուղարը և Բուլղարիայի վարչապետը։
Ըստ վերջին տեղեկությունների՝ հրետակոծության հետևանքով մեկ մարդ զոհվել է, չորսը՝ վիրավորվել։
Տաթև Ֆռանգյան
