16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Եթե Ֆինլանդիան և Շվեդիան դիմեն ՆԱՏՕ-ին անդամակցության համար, գործընթացը արագ կլինի․ Ստոլտենբերգ
Քաղաքականություն
28.04.2022 | 14:25
Եթե Ֆինլանդիան և Շվեդիան որոշեն դիմել ՆԱՏՕ-ին, ապա անդամակցության գործընթացն «արագ է անցնելու» և միջանկյալ միջոցներ են կիրառվելու այնքան ժամանակ, մինչև նրանք դառնան դաշինքի պաշտոնական անդամներ։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է CNN-ը։
«Մենք երկխոսության մեջ ենք Ֆինլանդիայի ու Շվեդիայի հետ, և դա նրանց որոշումն է։ Բայց եթե նրանք որոշեն դիմել, Շվեդիային և Ֆինլանդիային ջերմորեն կընդունենք։ Ես ակնկալում եմ, որ գործընթացը արագ կընթանա»,- ասել է Ստոլտենբերգը։
Նա նշել է, որ Եվրոպայի յուրաքանչյուր ազգին է վերաբերվում իր սեփական ապագան որոշելու իրավունքը։
«Իրականությունն այն է, որ Ֆինլանդիան և Շվեդիան արդեն շատ մոտ են ՆԱՏՕ-ին, և մենք աշխատում ենք միասին, գործում ենք միասին, զորավարժություններ ենք անում միասին: Եվ հենց որոշում կայացնենք նրանց հրավիրելու, դա ուժեղ քաղաքական ուղերձ կլինի, Ֆինլանդիայի և Շվեդիայի անվտանգությունը կարևոր կլինի ՆԱՏՕ-ի բոլոր դաշնակիցների համար»,- ասել է Ստոլտենբերգը։
Էմմա Չոբանյան
