16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Ռուսական գազի դիմաց ռուբլով վճարումները խախտում են պատժամիջոցները․ Եվրահանձնաժողովի ղեկավար
Քաղաքականություն
28.04.2022 | 14:07
ԵՄ գործադիր մարմնի ղեկավարը հայտարարել է, որ Եվրամիության էներգետիկ ընկերությունները, որոնք կհամաձայնեն ռուսական գազի մատակարարումների համար ռուբլով վճարելու՝ Մոսկվայի պահանջին, կխախտեն Ուկրաինա ռուսական ներխուժման պատճառով սահմանված պատժամիջոցները, գրում է VOA-ն։
Ուրսուլա ֆոն դեր Լյայենը նման հայտարարություն է արել այն բանից հետո, երբ լեհ և բուլղարացի պաշտոնյաները հայտարարել են, որ Մոսկվան դադարեցրել է բնական գազի մատակարարումն այդ երկրներ, քանի որ հրաժարվել են ռուբլով վճարել դրա դիմաց:
ՌԴ նախագահ Վլադիմիր Պուտինը նման պահանջ է ներկայացրել իր երկրի դեմ պատժամիջոցների սահմանումից հետո։
Ֆոն դեր Լյայենը հայտարարել է, որ ԵՄ դիրքորոշումը «շատ պարզ է»:
«Ռուբլով վճարումը, եթե դա նախատեսված չէ պայմանագրով, մեր պատժամիջոցների խախտում է։ Մեր պայմանագրերի մոտ 97 տոկոսն ուղղակիորեն նախատեսում է եվրոյով կամ դոլարով վճարում, ուստի այստեղ ամեն ինչ շատ պարզ է։ Ռուսական կողմի՝ ռուբլով վճարելու պահանջը միակողմանի որոշում է, որը չի համապատասխանում պայմանագրերին»,- ասել է Եվրահանձնաժողովի ղեկավարը։
Տաթև Ֆռանգյան
