23.04.2026 | 12:48
Սուարեսի ու Դե Պաուլի գեղեցիկ գոլերը հաղթանակ են բերել «Ինտեր Մայամիին»․ ՏԵՍԱՆՅՈՒԹ
ՄԱԿ-ը խոստացել է հետաքննել Ուկրաինայում ռազմական հանցագործությունները
Քաղաքականություն
28.04.2022 | 16:08
Այսօր ՄԱԿ-ի մի շարք երկրներ և կազմակերպություններ կազմակերպության Անվտանգության խորհրդի ոչ պաշտոնական հանդիպման ժամանակ հրապարակայնորեն պարտավորվել են արդարության հասնել Ուկրաինայում ենթադրյալ ռազմական հանցագործությունների զոհերի համար, գրում է DW-ի ռուսական ծառայությունը:
«Հանցագործները պետք է պատասխանատվության ենթարկվեն և կենթարկվեն»,- խոստացել են Ալբանիայի արտգործնախարար Օլտա Յաչկան և մի շարք արևմտյան երկրների, այդ թվում՝ ԱՄՆ-ի և Ֆրանսիայի ներկայացուցիչներ։
ՄԱԿ-ի մարդու իրավունքների գերագույն հանձնակատար Միշել Բաչելեթն ընդգծել է, որ զոհերը և նրանց ընտանիքները «պետք է արդյունավետ փոխհատուցում ստանան իրենց կրած վնասի և ողբերգության համար»: Նրա խոսքով՝ իր գրասենյակը փաստագրել և ուսումնասիրել է տուժած «5939 քաղաքացիական անձանց դեպքեր, այդ թվում՝ 2787 սպանված և 3152 վիրավոր»:
Բաչելեթը նշել է, որ Ուկրաինայում ենթադրյալ ռազմական հանցագործությունների զոհերի իրական թիվը շատ ավելի մեծ է՝ հավելելով, որ «զոհերի մեծ մասը մահացել է հրետանային և հրթիռային հարձակումների, ինչպես նաև բնակեցված վայրերում ավիահարվածների հետևանքով»։
Ուկրաինայի գլխավոր դատախազ Իրինա Վենեդիկտովան հայտարարել է, որ իր գրասենյակը սկսել է ավելի քան 8000 հետաքննություն պատերազմի օրենքների ենթադրյալ խախտման վերաբերյալ: Միջազգային քրեական դատարանի գլխավոր դատախազ Քարիմ Խանը հայտարարել է, որ դատարանը ներգրավել է ռեկորդային թվով՝ 43 երկրների, որպեսզի հետաքննեն Ուկրաինայում իրավիճակը։
Արևմուտքը և իրավապաշտպան կազմակերպությունները մեղադրում են ռուսական զորքերին դաժան պատերազմական հանցագործությունների մեջ։ Ռուսաստանն իր հերթին Ուկրաինային մեղադրում է ռազմական հանցագործությունների մեջ, մասնավորապես, պնդելով, որ ուկրաինացի մարտիկները խաղաղ բնակիչներին օգտագործում են որպես կենդանի վահան և զենք են տեղադրում բնակեցված վայրերում։
Տաթև Ֆռանգյան
