26.11.2024 | 18:21
ՀՀ ԱԺ նախագահն ընդունել է պաշտոնական այցով Հայաստանում գտնվող Լեհաստանի նախագահ Անջեյ Դուդային
Պուտինն Արևմուտքին սպառնացել է «կայծակնային» պատասխանով՝ Ուկրաինայում իրավիճակին միջամտելու դեպքում
Քաղաքականություն
27.04.2022 | 20:29
ՌԴ նախագահ Վլադիմիր Պուտինը հայտարարել է, որ ռուս սպաները «հերոսաբար կատարում են իրենց պարտքը» և «բոլոր առաջադրանքները լուծվելու են», գրում է BBC-ի ռուսական ծառայությունը։
Այսպես Պուտինը մեկնաբանել է Ուկրաինայում Ռուսաստանի սանձազերած պատերազմի երկու ամիսները՝ ելույթ ունենալով Օրենսդիրների խորհրդի նիստում։
Բացի այդ, նա կրկին սպառնացել է Արևմուտքին հետևանքներով՝ Ուկրաինայում իրավիճակին միջամտելու դեպքում։
«Եթե որևէ մեկը մտադիր է արտաքինից միջամտել ընթացող իրադարձություններին և ռազմավարական սպառնալիքներ ստեղծել Ռուսաստանի համար, ապա մեր պատասխան հակահարվածը կլինի կայծակնային և արագ։ Մենք ունենք բոլոր գործիքները, որոնցով ոչ ոք չի կարող պարծենալ։ Եվ մենք դրանցով չենք պարծենա, անհրաժեշտության դեպքում կօգտագործենք»,- հայտարարել է Պուտինը։
Էմմա Չոբանյան
