16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Գուտերեշն Էրդողանին տեղեկացրել է Պուտինի հետ շփումների մասին
Քաղաքականություն
27.04.2022 | 14:46
ՄԱԿ-ի գլխավոր քարտուղար Անտոնիո Գուտերեշը և Թուրքիայի նախագահ Ռեջեփ Թայիփ Էրդողանն այսօր հեռախոսազրույց են ունեցել։ Այս մասին լրագրողներին հայտնել են Թուրքիայի նախագահի գրասենյակից, գրում է ՏԱՍՍ-ը։
«Բանակցությունների ընթացքում ՄԱԿ-ի գլխավոր քարտուղար Գուտերեշը նախագահ Էրդողանին տեղեկացրել է Մոսկվայում ՌԴ նախագահ Վլադիմիր Պուտինի հետ իր շփումների մասին»,- ասվում է գրասենյակի հայտարարության մեջ։
Երկուշաբթի Գուտերեշը Անկարայում հանդիպել է Էրդողանի հետ, իսկ երեքշաբթի Մոսկվայում բանակցություններ է վարել ՌԴ ԱԳ նախարար Սերգեյ Լավրովի հետ, նրան ընդունել է նաև Ռուսաստանի նախագահ Վլադիմիր Պուտինը։ Չորեքշաբթի ՄԱԿ-ի ղեկավարը հանդիպել է Լեհաստանի նախագահ Անջեյ Դուդայի հետ՝ Ուկրաինա մեկնելու ճանապարհին Լեհաստանի Ժեշով քաղաք ժամանելուն պես։
Սպասվում է, որ Անտոնիո Գուտերեշը կմեկնի Ուկրաինա, որտեղ կհանդիպի նախագահ Վլադիմիր Զելենսկիի և արտգործնախարար Դմիտրի Կուլեբայի հետ: Կիևում այցի հիմնական ծրագիրը նախատեսված է հինգշաբթի՝ ապրիլի 28-ին։
Այցերի ընթացքում Գուտերեշի շփումների հիմնական թեմաներն են եղել հրադադարի հաստատման դիվանագիտական ջանքերը և ՄԱԿ-ի հովանու ներքո մարդասիրական օգնության կազմակերպումը, առաջին հերթին՝ Մարիուպոլում։
Տաթև Ֆռանգյան
