14.09.2026 | 12:10
Հայաստան գազամատակարարումը ժամանակավոր կդադարեցվի // Լռության րոպե ԱԺ-ում՝ 2022-ի զոհերի հիշատակին․ ԼՈՒՐԵՐ
Ռուսաստանից С-400-ների երկրորդ խմբաքանակի գնումը Թուրքիայի օրակարգում է․ հարցը քննարկվում է
Քաղաքականություն
27.04.2022 | 13:52
Թուրքիայի կողմից ռուսական С-400-ների երկրորդ խմբաքանակի գնումն օրակարգում է։ Այս մասին հայտարարել է Թուրքիայի ռազմարդյունաբերության վարչության պետ Իսմայիլ Դեմիրը, գրում է ՌԻԱ Նովոստին։
Ռուսաստանն ու Թուրքիան 2,5 մլրդ դոլարի C-400 ՀՕՊ համակարգերի չորս դիվիզիոնների մատակարարման պայմանագիր էին կնքել 2017 թվականին։ Թուրքական կողմին մատակարարումները սկսվել էին 2019-ին։ Պայմանագիրը նախատեսում է ևս մեկ խմբաքանակ։ 2021 թվականի օգոստոսի վերջին էլ Թուրքիայի նախագահ Ռեջեփ Թայիփ Էրդողանը հայտարարել էր, որ չի կասկածում Ռուսաստանից С-400 երկրորդ խմբաքանակի գնման հարցում։
«Երկրորդ խմբաքանակի գնումը, որը նախատեսվում էր հենց սկզբից, գտնվում է օրակարգում»,- ասել է Դեմիրը TRT Haber-ի հետ հարցազրույցում։
Ավելի վաղ Դեմիրը հայտարարել էր, որ Անկարան և Մոսկվան դժվարություններ չունեն ռուսական С-400-ների մատակարարման հետ կապված պայմանագրային պարտավորությունների առումով, կողմերից յուրաքանչյուրը վճռական է դրանք կատարելու հարցում։ Նա նաև նշել է, որ Ուկրաինայի իրավիճակի պատճառով Թուրքիան խնդիրներ չունի ռազմարդյունաբերության ոլորտում Ռուսաստանի հետ համագործակցության առումով և հուսով է, որ չի էլ ունենա։
«Ներկայում մենք խնդիր չունենք Ռուսաստանի հետ ռազմարդյունաբերության ոլորտում համագործակցության առումով Ուկրաինայում իրավիճակի պատճառով, հուսով ենք՝ չի էլ լինի։ Թուրքիան երկիր է, որը միջնորդական դեր ունի ստեղծված իրավիճակում, ջանքեր է գործադրում՝ կրակի շուտափույթ դադարեցման համար»,-ասել է թուրք պաշտոնյան։
Էմմա Չոբանյան
