26.11.2024 | 19:35
No comment. Ասլանյանը՝ Փաշինյանի խնդրանքի, Աղազարյանի` մանդատը վայր դնելու մասին. ՏԵՍԱՆՅՈՒԹ
Բայրամովը ԱՄՆ պետքարտուղարի փոխտեղակալի հետ քննարկել է Հարավային Կովկասում տիրող իրավիճակը
Քաղաքականություն
27.04.2022 | 12:36
Ադրբեջանի ԱԳ նախարար Ջեյհուն Բայրամովը նախօրեին ընդունել է ԱՄՆ պետքարտուղարի Եվրոպայի և Եվրասիայի հարցերով փոխտեղակալ Էրիկա Օլսոնին, հայտնում են տեղական լրատվամիջոցները։
Ադրբեջանի ԱԳՆ տարածած հաղորդագրության մեջ նշվում է, որ հանդիպման մասնակիցները մտքեր են փոխանակել երկկողմ հարաբերությունների, ինչպես նաև տարածաշրջանում ներկա իրավիճակի, Հայաստանի և Ադրբեջանի հարաբերությունների կարգավորման ուղղությամբ ձեռնարկվող քայլերի շուրջ։ Բայրամովը խոսել է Երևանի և Բաքվի միջև հարաբերությունների կարգավորմանն ուղղված քայլերի մասին, ներառյալ՝ ապագա խաղաղության համաձայնագրի մշակումը, սահմանների դելիմիտացիան, տարածաշրջանում բոլոր հաղորդակցության ուղիների բացումը և վստահության ամրապնդման միջոցառումները։
Կողմերն ընդգծել են ձեռք բերված պայմանավորվածությունների կատարման կարևորությունը՝ տարածաշրջանում կայուն խաղաղության ու անվտանգության համար։ Հանդիպմանը նաև քննարկվել է իրավիճակը Ուկրաինայում, փոխադարձ հետաքրքրություն ներկայացնող այլ հարցեր։
Հավելենք, որ Բաքվում Օլսոնը մասնակցելու է ԱՄՆ առաքելությունների ղեկավարների տարածաշրջանային համաժողովին, որին ներկա է գտնվելու նաև Հայաստանում ԱՄՆ դեսպան Լին Թրեյսին։
Էմմա Չոբանյան
