27.02.2026 | 23:31
Ստեփանծմինդա-Լարս ավտոճանապարհը փակ է
Գրանցվել H3N8 թռչնագրիպով մարդու վարակման առաջին դեպքը
Քաղաքականություն
27.04.2022 | 12:10
Չինաստանի Հենան նահանգում գրանցվել է H3N8 թռչնագրիպով մարդու վարակման առաջին դեպքը, հայտնում է ՌԻԱ Նովոստին՝ հղում անելով Չինաստանի Ժողովրդական Հանրապետության առողջապահության պետական կոմիտեին։
Նշվում է, որ վարակակիրը 4-ամյա տղա է։Մինչ ախտանիշների ի հայտ գալը երեխան շփվել է ընտանի թռչնի հետ, տան մոտ հայտնաբերվել են նաև վայրի բադեր։ Առաջին ախտանիշները, այդ թվում՝ ջերմությունը, տղայի մոտ ի հայտ են եկել ապրիլի 5-ին, իսկ ապրիլի 10-ին նա հոսպիտալացվել է վիճակի վատթարացման պատճառով։
Ապրիլի 24-ին թեստավորումից հետո երեխայի մոտ հայտնաբերվել է H3N8 վարակ: Ըստ փորձագետների ՝ H3N8 գրիպի վիրուսը մինչ այս հայտնաբերվել էր միայն թռչունների, ձիերի, շների, փոկերի մոտ և մարդկանց փոխանցման դեպքեր չէին արձանագրվել։
Տաթև Ֆռանգյան
