10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Արտակ Բեգլարյանն ընդունել է ՀՀ ԱԳՆ դիվանագիտական դպրոցի պատվիրակությանը
26.04.2022 | 21:51
Արցախի Հանրապետության պետական նախարար Արտակ Բեգլարյանը ապրիլի 26-ին ընդունել է Հայաստանի Հանրապետության ԱԳՆ դիվանագիտական դպրոցի պատվիրակությանը՝ դպրոցի տնօրեն, արտակարգ և լիազոր դեսպան Վահե Գաբրիելյանի գլխավորությամբ։
Պետական նախարարն ընդգծել է դպրոցի ունկնդիրների ավանդական դարձած այցերի կարևորությունը՝ նշելով, որ Արցախ այցելությունը հնարավորություն է ընձեռելու ապագա դիվանագետներին տեղում պատկերացում կազմել Արցախի, նրա ներկայի և ապագայի վերաբերյալ, որը կօգնի հետագայում միջազգային հարթակներում Արցախի մասին իրազեկվածությունը բարձրացնելու, ազգային շահերը պաշտպանելու ուղղությամբ հետևողական աշխատանքներ կատարել: Բեգլարյանը հորդորել է ներկաներին նախաձեռնողական, հետևողական ու ստեղծագործ լինել դիվանագիտական ծառայության մեջ, և այդ որակների շնորհիվ հնարավոր կլինի հասնել նույնիսկ անհնարին թվացող արդյունքների:
Իր խոսքում Վ. Գաբրիելյանը շնորհակալություն է հայտնել ընդունելության համար և կարևորել ապագա դիվանագետների շփումներն Արցախում:
Ա. Բեգլարյանը պատասխանել է ներկաներին հուզող հարցերին, որոնք վերաբերում էին 44-օրյա պատերազմից հետո Արցախում ստեղծված իրավիճակին, հայկական երկու պետությունների համագործակցությանն, ինչպես նաև գլոբալ և տարածաշրջանային մարտահրավերներին:
