16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Ոչ ոք չի ցանկանում տեսնել երրորդ համաշխարհային պատերազմի բռնկումը․ Չինաստանի ԱԳՆ
Քաղաքականություն
26.04.2022 | 20:26
Չինաստանի Արտաքին գործերի նախարարությունն արձագանքել է ՌԴ ԱԳ նախարար Սերգեյ Լավրովի այն մեկնաբանությանը, թե «միջուկային պատերազմի վտանգն իրական է»։ CNN-ը մեջբերում է նախարարության ներկայացուցչի մեկնաբանությունը, ըստ որի, «ոչ ոք չի ցանկանում տեսնել երրորդ համաշխարհայինի բռնկում»։
Նախօրեին ռուսական հեռուստաընկերության եթերում Լավրովին հարցրել էին երրորդ համաշխարհային պատերազմի ռիսկերի մասին՝ համեմատած 1962 թվականին Կուբայի ճգնաժամի հետ: Լավրովն էլ ասել էր, որ միջուկային զսպումը Ռուսաստանի սկզբունքային դիրքորոշումն է, սակայն վտանգը լուրջ է և չի կարելի թերագնահատել։
Չինաստանի ԱԳՆ խոսնակ Վանգ Վենբինը վերահաստատել է Չինաստանի ակնկալիքն առ այն, որ կողմերը «կպահպանեն հանգստությունը և զսպվածությունը» և «հնարավորինս շուտ խաղաղություն կհաստատեն և կխուսափեն Եվրոպայի և աշխարհի համար ավելի ծանր գին վճարելուց»։
Էմմա Չոբանյան
