27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
«Պռոշյանցի մուլտո» մականվամբ անձը կալանավորվել է
Հասարակություն
26.04.2022 | 18:43
Երկու օր առաջ համացանցում տեսանյութ էր տարածվել, որտեղ հստակ երևում է, թե ինչպես են երիտասարդ տղայի նկատմամբ բռնություն գործադրում։ Մասնավորապես՝ ձեռքերով ու ոտքերով հարվածներ են հասցնում նրա մարմնի տարբեր մասերին, տալիս են հայհոյանքներ։ Այդ ամենը տեսանկարահանվել ու հրապարակվել էր Tik-Tok սոցիալական կայքում:
Ոստիկանությունում նախապատրաստված նյութերով, Արարատի մարզի դատախազության ցուցումով ապրիլի 23-ին նշված դեպքի առթիվ ՀՀ ՔԿ-ում հարուցվել է քրեական գործ ՀՀ քրեական օրենսգրքի 119-րդ հոդվածի 1-ին մասի հատկանիշներով և ենթադրյալ բռնություն գործադրող անձը՝ Տ. Հ.-ն, ձերբակալվել է: Նրան մեղադրանք էր առաջադրվել վերոնշյալ հոդվածով և կալանքը որպես խափանման միջոց ընտրելու միջնորդություն ներկայացվել դատարան, ինչն էլ բավարարվել է:
«Պռոշյանցի մուլտո» մականվամբ անձի կողմից երիտասարդ անձի նկատմամբ բռնություն գործադրելու վերաբերյալ տեսանյութի առթիվ հարուցված քրեական գործով Առաջին ատյանի դատարանը բավարարել է վարույթն իրականացնող մարմնի կողմից ներկայացված՝ մեղադրյալ Տ. Հ.-ի նկատմամբ որպես խափանման միջոց կալանքն ընտրելու միջնորդությունը:
