16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Ղազախստանի նախագահը հայտարարել է իշխող «Ամանաթ» կուսակցությունից դուրս գալու մասին
Քաղաքականություն
26.04.2022 | 15:45
Ղազախստանի նախագահ Կասիմ-Ժոմարտ Տոկաևը հայտարարել է, որ որոշել է հեռանալ իշխող «Ամանաթ» կուսակցության նախագահի պաշտոնից և դուրս գալ դրանից, գրում է ՏԱՍՍ-ը։
«Այսօրվանից ես որոշել եմ դադարեցնել «Ամանաթ» կուսակցության նախագահի իմ լիազորությունները և դուրս գալ կուսակցությունից, այս քայլը խորհրդանշական նշանակություն ունի, ուզում եմ բոլորիդ շնորհակալություն հայտնել նախագահական ընտրություններում վստահության և աջակցության համար։ Ես նաև իմ երախտագիտությունն եմ հայտնում՝ վճռորոշ պահին կուսակցության կառավարումը վստահելու համար»,- ասել է Տոկաևը «Ամանաթ» կուսակցության արտահերթ համագումարում։
Երկրի նախագահը «Ամանաթ» կուսակցության նախագահի պաշտոնում առաջարկել է խորհրդարանի Մեջիլիսի (ստորին պալատի) նախագահ Երլան Կոշանովի թեկնածությունը։
Համագումարի մասնակիցները պաշտպանել են այս նախաձեռնությունը՝ ընտրելով Կոշանովին «Ամանաթ» կուսակցության նախագահ։
Ղազախստանի պետական քարտուղար Երլան Կարինն ասել է, որ Տոկաեւի հեռանալուց հետո «Ամանաթը» կաջակցի նրա քաղաքականությանը։
Տաթև Ֆռանգյան
