16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
Իսրայելը հրետանային հարվածներ է հասցրել Լիբանանին
Քաղաքականություն
25.04.2022 | 14:55
Իսրայելի պաշտպանության բանակը հրետանային հարվածներ է հասցրել Լիբանանում թիրախներին՝ ի պատասխան երկրի վրա արձակված հրթիռի։ Այս մասին իսրայելցի զինվորականները հայտնել են Twitter-ում գրառմամբ։
Իսրայելը հայտարարել է, որ մինչ այդ Լիբանանից արկ է արձակվել հյուսիսային Իսրայելի ուղղությամբ, այն ընկել է բաց տարածքում։
«Ի պատասխան երեկոյան Լիբանանից հյուսիս Իսրայելի ուղղությամբ արձակված հրթիռի՝ Իսրայելի պաշտպանության բանակի հրետանային ուժերը հարվածներ են հասցրել Լիբանանի այն վայրին, որտեղից արձակվել է հրթիռը»,- ասվում է հայտարարության մեջ:
Իսրայելական լրատվամիջոցները հայտնում են, որ լիբանանյան հրթիռն ընկել է սահմանի մոտ։ Ոչ ոք չի տուժել, ավերածություններ չեն գրանցվել։
Հիշեցնենք՝ անցյալ շաբաթ հաղորդվել էր, որ Իսրայելը գնդակոծել է Գազայի հատվածը՝ ի պատասխան արձակված հրթիռի։
Տաթև Ֆռանգյան
