27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Չավուշօղլուի՝ հայերին ուղղված ժեստի պատճառով Թուրքիայի դեսպանը կանչվել է Ուրուգվայի ԱԳՆ
Քաղաքականություն
24.04.2022 | 19:44
Մոնտեվիդեոյում Թուրքիայի դեսպանը կանչվել է Ուրուգվայի ԱԳՆ: Ինչպես հաղորդում է El País-ը, պատճառը Մոնտեվիդեոյի հուշահամալիրում Թուրքիայի արտաքին քաղաքական գերատեսչության ղեկավար Մևլութ Չավուշօղլուի պահվածքն է։
Ավելի վաղ հաղորդվել էր, որ Չավուշօղլուն, Ուրուգվայում հանդիպելով հայ ցուցարարներին, նրանց ցույց է տվել «Գորշ գայլեր» ազգայնական կազմակերպության նշանը, որն արգելված է մի շարք երկրներում:
Այդ կապակցությամբ Ուրուգվայի արտաքին գործերի նախարար Ֆրանսիսկո Բուստիլյոն Թուրքիայի դեսպան Հուսեյն Մյուֆթուօղլուին ԱԳՆ է կանչել։
«Գորշ գայլերը» ուլտրաաջ ազգայնականների թուրքական կազմակերպություն է, որի ակտիվիստները մեղադրվում էին մի շարք սպանությունների և ահաբեկչությունների մեջ։
