Քաղաքականություն
24.04.2022 | 23:24
Ֆրանսիայի գործող նախագահ Էմանուել Մակրոնը, նախնական տվյալների համաձայն, հաղթում է պետության ղեկավարի ընտրությունների երկրորդ փուլում:
Ինչպես կիրակի հայտնել է BFM հեռուստաալիքը, նա ստացել է ընտրողների ձայների 57,6 տոկոսը:
Նրա մրցակից Մարին Լը Պենը հավաքել է ձայների 42,4 տոկոսը։ Սպասվում է, որ արդեն մոտ ժամանակներս երկու քաղաքական գործիչներն էլ հայտարարություն կանեն քվեարկության արդյունքների վերաբերյալ:
Մակրոնը նախագահի պաշտոնում է 2017 թվականից, երբ առաջին անգամ հաղթել է Լը Պենին։ Ժակ Շիրակից հետո նա Ֆրանսիայի առաջին նախագահն է, որին հաջողվել է երկրորդ անգամ վերընտրվել։
Իր 44 տարիների ընթացքում Մակրոնը մնում է նաև հինգերորդ հանրապետության պատմության ամենաերիտասարդ նախագահը:
Ներկա պահին Մակրոնի հարյուրավոր կողմնակիցներ նրան սպասում են Մարսյան դաշտում, որտեղ պետք է մեծ հանրահավաք տեղի ունենա։ Ներկայումս նախագահը գտնվում է Ելիսեյան պալատում։
