25.03.2026 | 14:44
Մեծամորում դիտավորյալ ավտոմեքենայի հրկիզման դեպքով կալանավորվել է 29-ամյա տղամարդ, ներգրավվել է անչափահաս
ՄԱԿ-ի Մարդու իրավունքների գրասենյակը փաստագրել է Բուչայում ռուսական զորքերի դաժանությունները
Քաղաքականություն
22.04.2022 | 17:47
ՄԱԿ-ի Մարդու իրավունքների գրասենյակի աշխատակիցները փաստագրել են Ուկրաինայի մայրաքաղաք Կիևի մոտ գտնվող Բուչա քաղաքում «մոտ 50 քաղաքացիական անձի ապօրինի սպանությունը, այդ թվում՝ մահապատժի միջոցով»։ Այս մասին հայտարարել է ՄԱԿ-ի Մարդու իրավունքների գրասենյակը, գրում է CNN-ը։
Ուկրաինայում ՄԱԿ-ի մարդու իրավունքների դիտորդական առաքելությունը փաստագրել և նույնականացրել է առնվազն 5․264 քաղաքացիական տուժածի՝ 2․345 սպանված և 2․919 վիրավոր։
«Մենք գիտենք, որ իրական թվերը շատ ավելի մեծ են լինելու, քանի որ սարսափները, որոնք տեղի են ունեցել ինտենսիվ մարտերի այնպիսի վայրերում, ինչպիսին Մարիուպոլն է, ի հայտ են գալու»,- ասել է ՄԱԿ-ի մարդու իրավունքների գերագույն հանձնակատար Միշել Բաչելեթը։
Նա հավելել է, որ հայտնի են դառնում նաև քաղաքացիական անձանց մահապատիժների մասշտաբներն այն տարածքներում, որոնք նախկինում զբաղեցրել են ռուսական ուժերը։
«Բուչայի գրեթե յուրաքանչյուր բնակիչ, ում հետ զրուցել են մեր գործընկերները, պատմել է հարազատի, հարևանի կամ նույնիսկ անծանոթի մահվան մասին: Մենք գիտենք, որ շատ ավելին պետք է արվի՝ այնտեղ տեղի ունեցածը բացահայտելու համար, և մենք գիտենք նաև, որ Բուչան միակը չէ»,- ասել է ՄԱԿ-ի պաշտոնյան։
Էմմա Չոբանյան
