08.02.2026 | 13:02
Այս պայմաններում էին այսօր ՀԷՑ-ի մասնագետները վերացնում վթարային անջատումը․ Ռոմանոս Պետրոսյան
Լևոն Արոնյանը մտավ Ամերիկայի գավաթի կիսաեզրափակիչ
22.04.2022 | 10:47
ԱՄՆ-ն ներկայացնող հայ շախմատիստ Լևոն Արոնյանն Ամերիկայի գավաթի խաղարկության քառորդ եզրափակիչում հաղթեց Ռեյ Ռոբսոնին: Մեր հայրենակիցը չնայած պարտվեց դասական երկրորդ պարտիայում և մրցակցին թույլ տվեց հավասարեցնել հաշիվը, սակայն թայ-բրեյքում առավելության հասավ 1,5:0,5 հաշվով: Կիսաեզրափակիչում նա կհանդիպի ԱՄՆ ներկայացնող կուբացի գրոսմայստեր Լենիեր Դոմինգեսի հետ. գրում է a1plus.am-ը։
Խաղարկությանը մասնակցող ամերիկահայ շախմատիստ Սամուել Սևյանը 1/4 եզրափակիչում 1,5:0,5 հաշվով հաղթեց փորձառու Վեսլի Սոյին: Նրա հաջորդ մրցակիցը ԱՄՆ-ն ներկայացնող իտալացի գրոսմայստեր Ֆաբիանո Կարուանան է, որը միայն «Արմագեդոնում» հաղթեց Ջեֆրի Սյոնգին:
Ամերիկայի գավաթի խաղարկության մրցանակային հիմնադրամը 200 հազար դոլար է: Հաղթողը կստանա 50 հազար դոլար պարգևավճար, 2-րդ տեղը` 35 հազար: Նվազագույն պարգևավճարը 12 հազար դոլար է:
