16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Ուկրաինայում հայտնել են ԵՄ-ին անդամակցության ժամկետները
Քաղաքականություն
22.04.2022 | 12:38
Ուկրաինան ծրագրում է Եվրամիության լիիրավ անդամ դառնալ 2024 թվականին։ Այս մասին «Ուկրաինսկայա պրավդա»-ին հայտնել է Ուկրաինայի առաջին փոխվարչապետ, էկոնոմիկայի նախարար Յուլիա Սվիրիդենկոն։
«Մենք ակնկալում ենք, որ այս ամառ կստանանք ԵՄ-ին անդամակցության թեկնածուի կարգավիճակ, մեր դիմումի առաջին մասն արդեն ներկայացվել է»,- ասել է Սվիրիդենկոն։
Նախարարը վստահ է, որ Ուկրաինան նույն արագ տեմպերով կկատարի ապագա անդամակցության բոլոր պահանջները և ԵՄ-ին կմիանա 2024 թվականին։
«Սա է իսկական ժողովրդավարության և ազատության մեր ճանապարհը»,- ամփոփել է նա։
Ավելի վաղ հաղորդվել էր, որ Եվրահանձնաժողովը ԵՄ-ին Ուկրաինայի անդամակցության հարցում հենվելու է երկու հիմնական չափանիշի վրա՝ ժողովրդավարություն և շուկայական տնտեսություն։
Հիշեցնենք, որ ապրիլի 18-ին Ուկրաինան ներկայացրել է ԵՄ անդամակցության թեկնածուի կարգավիճակ ստանալու հարցաշարի առաջին մասը։ Այս պահին ԵՀ-ն Կիևից սպասում է փաստաթղթի երկրորդ մասը։
Տաթև Ֆռանգյան
