15.09.2026 | 22:12
«Մարդը պետք է գերակա լինի ԱԲ-ի նկատմամբ»․ Microsoft-ը վարքագծի կանոնագրքի նախագիծ է հրապարակել
Հայազգի գործարարները՝ Forbes-ի ամենահարուստ ռուսաստանցի միլիարդատերերի վարկանիշային աղյուսակում
Քաղաքականություն
21.04.2022 | 18:25
Ազգությամբ հայ երկու գործարարներ ընդգրկվել են 2022 թվականի Forbes ամսագրի 88 ռուսաստանցի միլիարդատերերի վարկանիշային աղյուսակում:
Մասնավորապես, ՌԴ ամենահարուստ միլիարդատերերի վարկանիշային աղյուսակի 42-րդ հորիզոնականը զբաղեցրել է Badoo առցանց ծանոթությունների ծառայության հիմնադիր Անդրեյ Անդրեևը (Օղանջանյանց)։ Նրա կարողությունը գնահատվում է 2 միլիարդ դոլար։
Վարկանիշային աղյուսակում ընդգրկված երկրորդ հայը «Տաշիր» ընկերությունների խմբի հիմնադիր Սամվել Կարապետյանն է, որը զբաղեցնում է 82-րդ տեղը։ Նրա կարողությունը կազմում է 1,1 միլիարդ դոլար:
Ըստ Forbes-ի՝ Ռուսաստանի ամենահարուստ մարդկանց եռյակում են Վլադիմիր Լիսինը (NLMK-ի տնօրենների խորհրդի նախագահ, 18,4 միլիարդ դոլար), Վլադիմիր Պոտանինը (Ինտերրոս հոլդինգի նախագահ, MMC Norilsk Nickel-ի նախագահ, 17,3 միլիարդ դոլար) և Պավել Դուրովը (Telegram-ի հիմնադիր, $15,1 մլրդ):
Միլիարդատերերի ճնշող մեծամասնության պարագայում կարողությունը մեկ տարվա ընթացքում նվազել է։
Forbes-ը նաև ներկայացրել է Ռուսաստանից մեկ տարվա ընթացքում ամենաշատն «աղքատացած» միլիարդատերերի տասնյակը։ Հրատարակությունը պարզաբանել է, որ Ուկրաինայում պատերազմի և դրան հաջորդած պատժամիջոցների պատճառով ամենից շատ սկսել են վնաս կրել ամենահարուստ ռուսները։ Նրանց թվում են Ալեքսեյ Մորդաշովը, Վագիտ Ալեքպերովը և Սուլեյման Քերիմովը։ Ընդհանուր առմամբ, 10 հարուստ ռուսաստանցիներ կորցրել են $108,5 մլրդ։
Տաթև Ֆռանգյան
