28.07.2026 | 23:02
«Կարևոր է ակտիվացնել դիվանագիտական գործընթացը»․ Զելենսկին՝ Թրամփի հետ հանդիպման արդյունքների մասին
Դատարանը WikiLeaks-ի հիմնադիր Ջուլիան Ասանժին ԱՄՆ-ին արտահանձնելու որոշում է կայացրել
Քաղաքականություն
20.04.2022 | 16:12
Լոնդոնի Վեսթմինսթերյան դատարանը WikiLeaks-ի հիմնադիր Ջուլիան Ասանժին ԱՄՆ-ին արտահանձնելու որոշում է կայացրել։ Այս մասին ասվում է չորեքշաբթի հրապարակված դատարանի հայտարարության մեջ, գրում է ՏԱՍՍ-ը։
Այժմ ավստրալացու՝ ԱՄՆ-ին արտահանձնման գործը կընդունի Մեծ Բրիտանիայի ներքին գործերի նախարար Պրիտի Պատելը։ Ասանժն ԱՄՆ-ում մեղադրվում է ամերիկյան պատմության մեջ գաղտնի տեղեկատվության բացահայտման ամենախոշոր դեպքի հետ կապված հանցագործությունների մեջ։ Նրան սպառնում է 175 տարվա ազատազրկում։
Միաժամանակ, Ասանժի պաշտպանական կողմը դեռ հնարավորություն ունի որոշումը բողոքարկել Լոնդոնի Գերագույն դատարան, եթե նախարարը արտահանձնման մասին որոշում կայացնի։
Տաթև Ֆռանգյան
