24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Արդեն 4 տարի ենթարկվում եմ ապօրինի քրեական հետապնդման. Արմեն Գևորգյան․ ՏԵՍԱՆՅՈՒԹ
Հասարակություն
19.04.2022 | 13:56
«Արդեն չորս տարի ապօրինի քրեական հետապնդման եմ ենթարկվում»,- այս մասին այսօր դատական նիստին հայտարարեց նախկին փոխվարչապետ, «Հայաստան» խմբակցության պատգամավոր Արմեն Գևորգյանը։
Նիստի սկզբում դատավոր Աննա Դանիբեկյանը հայտարարեց, որ դատարանն անցնում է ապացույցների ուսումնասիրման կարգի հստակեցմանը։
Դատարանը Գևորգյանին առաջարկեց արտահայտել իր դիրքորոշումը։ Արմեն Գևորգյանը հիշեցրեց, որ ավելի վաղ դատարանն իրեն թույլ չտվեց անդրադառնալ մի շարք հարցերի. Գևորգյանը դրանք հնչեցրեց, այժմ՝ հռետորական հարցերի տեսքով՝ փորձելով ցույց տալով մեղադրանքի մտացածին լինելը:
Գևորգյանը, մասնավորապես, հետաքրքրվեց, թե Սիլվա Համբարձումյանի ինչու՞ պետք կաշառք տար, եթե բոլոր հարցերը նա ինքը կարող էր լուծել, ինչո՞ւ էր պետք արդեն արտասահման փոխանցված գումարները վերադարձնել երկիր և այլն։
«Քանի դեռ այս հարցերի շուրջ պարզաբանումներ չկան, մեղադրանքն անհասկանալի և անհիմն է»,- ընդգծեց Գևորգյանը՝ հավելելով, որ արդեն չորս տարի ապօրինի քրեական հետապնդման է ենթարկվում:
Մանրամասները՝ տեսանյութում:
