06.10.2026 | 10:07
Եղիշե Մելիքյանը՝ Չեռնոգորիայի հավաքականի հետ ոչ-ոքիի մասին. ՏԵՍԱՆՅՈՒԹ
Երևանի ծախսերին կավելացվի շուրջ 22 մլն դրամ, որը կուղղվի Արցախից ՀՀ եկածների բնակվարձի ապահովմանը․ ՏԵՍԱՆՅՈՒԹ
Հասարակություն
19.04.2022 | 13:01
Երևանի ավագանու այսօրվա նիստում ընդունվեց որոշում, ըստ որի նախատեսվում է 2022 թվականի բյուջեի եկամտային մասով ընթացիկ նպատակային հատկացումները՝ սուբվենցիաները ավելացնել 22 մլն 330 հազար դրամով և այն ուղղել պատերազմի հետևանքով ժամանակավորապես ՀՀ-ում գտնվող քաղաքացիներին մշտական բնակության վայր տեղափոխման իրականացմանը։
Այս նույն նախագծով նաև առաջարկվում է Ասիական բանկի աջակցությամբ իրականացվող քաղաքային ենթակառուցվածքների և քաղաքի զարգացման ներդրումային միջոցառումների ծրագրով նախատեսել 75 մլն 48 հազար դրամ՝ Տիչինա -Բաբաջանյան ճանապարհահատվածի կառուցման շինարարական աշխատանքների փոխհատուցումների նպատակով։
Ավագանու անդամ Էռնեստ Ավանեսովը հետաքրքրվեց՝ արդյոք ընդհանարապես նախատեսվո՞ւմ է առաջին պատերազմի ժամանակ, դրանից առաջ և հետո ՀՀ տեղափոխված, Ադրբեջանից բռնագաղթված հայ ընտանիքներին բնակարաններով ապահովելու համար ծրագիր կամ գումար։
Հարցը զեկուցող քաղաքապետի առաջին տեղակալ Լևոն Հովհաննիսյանն ի պատասխան ասաց, որ ղարաբաղյան առաջին պատերազմի ժամանակ Ադրբեջանից տեղահանված քաղաքացիների բնակարանային խնդիրների լուծման համար Երևանի 2022 թվականի բյուջեով միջոցներ նախատեսված չեն:
Մանրամասները՝ տեսանյութում:
