26.11.2024 | 22:40
ՌԴ ՊՆ-ն Կուրսկի շրջանում ընկած ամերիկյան ATACMS-ի բեկորներ է ցուցադրել
Գերմանիայում ավելի քան 140 գործ է հարուցվել Ուկրաինայում ՌԴ ռազմական գործողություններին աջակցության համար
Քաղաքականություն
18.04.2022 | 17:33
Գերմանիայի մի քանի շրջաններում ոստիկանությունն ու դատախազությունը հետաքննում են Ուկրաինայի դեմ Ռուսաստանի ռազմական գործողություններին աջակցելու համար ավելի քան 140 գործ, գրում է DW-ի ռուսական ծառայությունը։
Հարուցված գործերի մեծ մասը վերաբերում է ռուսական հարձակման խորհրդանիշ դարձած «Z» տառին։
Հասարակական վայրերում այս նշանի ցուցադրումը պատժվում է Գերմանիայի Քրեական օրենսգրքի 140-րդ հոդվածով, որը նախատեսում է տուգանք կամ մինչև երեք տարվա ազատազրկում նրանց համար, ովքեր «հրապարակավ՝ հավաքների կամ նամակների միջոցով տարածում կամ խրախուսում են» ապօրինի գործողություններ։
Սաքսոնիա-Անհալթ նահանգում այս հոդվածով 19 գործ է հարուցվել «Z» տառի պատճառով, Համբուրգում՝ 17, որից 16-ը ևս վերաբերում է այս խորհրդանիշին։ Ամենաբնակեցված նահանգում՝ Հյուսիսային Ռեյն-Վեստֆալիայում, Ուկրաինայի դեմ ռուսական ագրեսիային աջակցելու համար 37 գործ է հարուցվել, որոնցից 22-ը ևս կապված են «Z»-ի ցուցադրության հետ։
Որոշ շրջաններ, օրինակ՝ Բավարիան, Ուկրաինայի վրա Ռուսաստանի հարձակումն արդարացնելու դեմ ուղղված պայքարի վերաբերյալ վիճակագրություն չունի, սակայն այստեղ վստահեցնում են, որ միջոցներ են ձեռնարկում այդ հանցագործությունների մեջ կասկածվողների դեմ։ Ուկրաինայում ՌԴ ռազմական գործողությունների մեկնարկից ի վեր Գերմանիայի մի շարք քաղաքներում ռուսամետ ակցիաներ են գրանցվել, որոնց մասնակիցները փողոց են դուրս եկել Ռուսաստանի Դաշնության և Խորհրդային Միության դրոշներով։
Տաթև Ֆռանգյան
