26.11.2024 | 22:26
Իմ կալանքը ծառայում է Ադրբեջանի բռնապետության և նրա հանցակից ռուսական կայսրության շահերին․ Ադրբեջանում բանտարկված դիվանագետ
Էրդողանի խորհրդականը հայտարարել է, որ Մոսկվայի և Կիևի միջև բանակցային գործընթացը ներկայում բարդ է
Քաղաքականություն
18.04.2022 | 13:48
Թուրքիան շարունակում է ջանքերը, որ Մոսկվան և Կիևը նստեն բանակցությունների սեղանի շուրջ, իրավիճակը բարդ է։ Այս մասին հայտարարել է Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը, գրում է ՌԻԱ Նովոստին։
Նշվում է, որ Քալընը Ստամբուլում նախագահի գրասենյակում հանդիպել է ամերիկացի կոնգրեսականների հետ։
Նա հայտարարել է, որ Թուրքիան ընդունել է կողմերին Անթալիայում և Ստամբուլում երկու կարևոր հանդիպումներում՝ ճգնաժամին վերջ տալու համար։ Քալընի խոսքով՝ բանակցային իրավիճակը ներկայում համեմատաբար բարդ է։
«Թուրքիան նախկինի պես ամեն ինչ անում է, որ երկու կողմերը նստեն բանակցությունների սեղանի շուրջ»,- ասել է Քալընը։
Հիշեցնելով, որ Անկարան շատ կարևոր նախաձեռնություններ և ջանքեր է ձեռնարկել իրավիճակի սրումը կանխելու համար, նա նշել է, որ Թուրքիան օգնել է նվազեցնել ռիսկերը՝ ռազմանավերը հեռու պահելով Սև ծովից Մոնտրոյի կոնվենցիայի շրջանակում։
Էրդողանի խորհրդականը հավելել է, որ Ուկրաինայում իրավիճակը ցույց է տալիս «ՆԱՏՕ-ի դաշինքի և հարաբերությունների ամրապնդման կարևորությունը»՝ ընդգծելով, որ անհրաժեշտ է «կենտրոնանալ երկու երկրների միջև ընդհանուր հարցերի վրա՝ շահերն ու հեռանկարները համախմբելու համար»։
Էմմա Չոբանյան
