16.12.2025 | 10:46
Արմեն Գրիգորյանը Լոնդոն կմեկնի․ երկկողմ հանդիպում է նախատեսված
Բուլղարիան արգելել է ռուսական նավերի մուտքն իր նավահանգիստներ
Քաղաքականություն
17.04.2022 | 15:32
Ապրիլի 16-ից Բուլղարիան փակում է իր ծովային և գետային նավահանգիստները ռուսական նավերի համար, նաև այն նավերի, որոնք ռուսական դրոշը փոխել են Ուկրաիայում պատերազմի մեկնարկից հետո։ Այս մասին նշվում է Բուլղարիայի ծովային վարչակազմի հայտարարության մեջ, գրում է «Կոմերսանտ»-ը։
«2022թ․ ապրիլի 16-ի ժամը 00:00-ից սկսած՝ մուտքը Բուլղարիայի ծովային և գետային նավահանգիստներ արգելված է բոլոր այն նավերի համար, որոնք գրանցված են Ռուսաստանի դրոշի ներքո, ինչպես նաև` այն նավերի համար, որոնք փոխել են Ռուսաստանի դրոշը կամ 2022 թվականի փետրվարի 24-ից հետո գրանցվել են այլ երկրի դրոշի ներքո կամ գրանցամատյանում»,-գրված է հայտարարության մեջ։
Փաստաթղթում նշվում է, որ արգելքը մտցվել է ԵՄ կանոնակարգում փոփոխությունների հիման վրա և ելնելով Ռուսաստանի գործողություններից, որոնք ապակայունացնում են իրավիճակը Ուկրաինայում։
Իտալիան նմանատիպ որոշում է կայացրել ապրիլի 16-ին, իսկ Բելգիայի և Ռումինիայի իշխանություններն արգելել են նաև ռուսական նավերի մուտքն իրենց նավահանգիստներ։
Այս միջոցները ձեռնարկվում են ԵՄ պատժամիջոցների հինգերորդ փաթեթի շրջանակում, որն արգելում է ռուսական նավերի մուտքը ԵՄ նավահանգիստներ։
