06.10.2026 | 11:27
Ռուսական զորքերը հարվածել են Զապորոժիեում Դնեպր գետի վրայով անցնող կամուրջներից մեկին․ 5 մարդ տուժել է
Ինչպես է ծախսվելու «Ֆակտորի փրոդաքշն»-ին տրվող 750 մլն դրամը. մանրամասնում է ԿԳՄՍ նախարարը․ ՏԵՍԱՆՅՈՒԹ
Տնտեսություն
15.04.2022 | 12:16
Կառավարությունն իր այսօրվա՝ ապրիլի 15-ի նիստում որոշեց այս տարվա մայիսի 21-31-ը Երևանում անցկացվելիք բռնցքամարտի մեծահասակների Եվրոպայի առաջնությունը կազմակերպելու և անցկացնելու նպատակով «Ֆակտորի Փրոդաքշն» ՍՊԸ-ին ՀՀ կառավարության պահուստային ֆոնդից հատկացնել 750.192.000 դրամ գումար:
ԿԳՄՍ նախարար Վահրամ Դումանյանը նշեց, որ այդ գումարը կուղղվի բրենդավորման և այլ ծախսերի իրականացման, գովազդային, տպգրական և սոցիալական ցանցերում առաջխաղացման, բացման հանդիսավոր արարողության և մրցաշարի ընթացքում միջոցառումների կազմակերպման ծառայությունների ձեռբերմանը:
«Ժամանակի սղության պատճառով առաջնության նախապատրաստման և անցկացման համար մնացած սեղմ ժամանակահատվածում միջոցառումը ժամանակին կազմակերպելու և չձախողելու համար, նաև հիմք ընդունելով միջոցառման վրա տարվող աշխատանքների ծավալը՝ անհրաժեշտություն է առաջացել գումարը տրամադրել ուղիղ դրամաշնորհի տեսքով, որը հնարավորություն կտա ժամանակին կազմակերպել և իրականացնել միջոցառումը»,- ասաց նախարարը:
Նրա խոսքով՝ առաջնության ընթացքում ակնկալվում է շուրջ 280 մարզիկների մասնակցություն, ինչպես նաև նրանց ուղեկցող անձնակազմի և այլ պատվիրակների մասնակցություն: Ընդհանուր առմամբ ակնկալվում է շուրջ 400 անձանց մասնակցություն:
Մանրամասները՝ տեսանյութում:
