18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Էլեկտրական շարժիչով մեքենաների ներկրման համար վճարած մաքսատուրքը պետությունը կվերադարձնի․ ՏԵՍԱՆՅՈՒԹ
Տնտեսություն
15.04.2022 | 11:48
Այս տարվա հունվարի 1-ից Հայաստան ներմուծված առաջին 6400 էլեկտրական շարժիչով ավտոմեքենաները կազատվեն մաքսատուրքից։ Այսպիսի որոշում է կայացվել այսօր ՀՀ կառավարության նիստում` հիմք ընդունելով մարտի 17-ին Եվրասիական տնտեսական հանձնաժողվի նիստում ընդունված որոշումը։ Այս որոշմամբ, սակայն, նախատեսվում էր մաքսատուրքից ազատել 7000 ավտոմեքենաներ։
ՀՀ էկոնոմիկայի նախարար Վահան Քերոբյանը նշեց, որ 2021թ-ին ՀՀ ներկրված էլեկտրական մեքենաների թիվը եղել է 1900-ից մի փոքր քիչ. «Դրա համար ենթադրել, որ 2022-ին կլինի 7000-ից ավել, շատ ռիսկային է։ Եվ հետևաբար, 7000 քվոտա մենք վերցրել ենք, բայց այս պահին այս որոշմամբ բաշխում ենք 6400-ը, որովհետև ուզում ենք որոշակի ռեզերվ պահել լրիվ նոր մեքենաների համար, որոնք ներմուծվում են դիլերների կողմից։ Դուք գիտեք, որ դա մի փոքր ավելի երկարատև պրոցես է` պետք է պատվիրել մի քանի ամիս առաջ, ստանալ։ Միգուցե մեքենաները հասնելու պահին քվոտան վերջացած լինի, դրա համար մենք բաշխում ենք մի մասը, որ տեսնենք` ինչպես են իրադարձությունները զարգանում»,- ասաց Քերոբյանը։
Նախարարը նաև հայտնեց, որ ֆիզիկական անձանց համար որոշումն ուժի մեջ է մտնում հետին թվով` 2022թ-ի հունվարի 1-ից հետո ներմուծված մեքենաների համար, իրավաբանական անձանց համար` մարտի 31-ից հետո ներմուծված մեքենաների համար։ Ուստի, ներկրողը կարող է հայտարարագիր լրացնել ու հետ ստանալ իր արդեն վճարած մաքսատուրքի գումարը։
Վարչապետ Նիկոլ Փաշինյանն էլ հիշեցրեց, որ էլեկտրական շարժիչով ավտոմեքենա ներկրողները Հայաստանում ազատված են նաև ԱԱՀ-ից։
Մանրամասները՝ տեսանյութում:
