19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ընտրությունների երկրորդ փուլում Մակրոնը կարող է հավաքել ձայների 53,5 տոկոսը․ հարցում
Քաղաքականություն
14.04.2022 | 16:41
Ֆրանսիայի գործող նախագահ Էմանուել Մակրոնը կարող է հաղթել նախագահական ընտրությունների երկրորդ փուլում՝ հավաքելով ձայների 53,5%-ը: Այս մասին է վկայում Elabe-ի հարցումը BFMTV հեռուստաալիքի, Express հրատարակության և SFR հեռահաղորդակցական ընկերության համար, որն անցկացվել է ընտրություններից 10 օր առաջ, գրում է ՌԻԱ Նովոստին։
Հարցման համաձայն՝ ընտրությունների երկրորդ փուլում Մակրոնը կարող է հավաքել 53,5 տոկոս, իսկ նրա մրցակից, աջակողմյան «Ազգային միավորում» կուսակցության առաջնորդ Մարին Լը Պենը՝ 46,5 տոկոս։ Միևնույն ժամանակ, կիրակի օրը Elabe-ի անցկացրած հարցումը կանխատեսում էր, որ Մակրոնի արդյունքը կլինի ավելի քիչ՝ 52%, իսկ Լը Պենինը՝ 48%։
Ըստ աղբյուրի՝ հարցվածների 63%-ը «վստահ է, որ գնալու է քվեարկելու», 10%-ը «լրջորեն է մոտենում քվեարկությանը», իսկ 27%-ը կարող է չմասնակցել քվեարկությանը։
Տաթև Ֆռանգյան
