16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
ԵՄ-ին Ուկրաինայի անդամակցության հարցում Եվրահանձնաժողովը հենվելու է երկու հիմնական չափանիշների վրա
Քաղաքականություն
14.04.2022 | 17:47
Եվրահանձնաժողովը Ուկրաինայի՝ ԵՄ-ին անդամակցության հարցում հենվելու է երկու հիմնական չափանիշների վրա։ Ապրիլի 14-ին հեռուստամարաթոնի ժամանակ այս մասին ասել է Ուկրաինայում ԵՄ պատվիրակության ղեկավար Մատի Մաասիկասը, գրում է korrespondent-ը։
«Եվրահանձնաժողովը Ուկրաինայի դեպքում հաշվի կառնի երկու հիմնական չափանիշ՝ ժողովրդավարություն և շուկայական տնտեսություն: Այս արագընթաց գործընթացը պետք է ավարտվի մինչև հունիս: Վերլուծությունը կտևի մինչև ամառ, իսկ հունիսին մենք հույս ունենք, որ եվրոպացի պաշտոնյաներից կլսենք ժողովրդավարության և շուկայական տնտեսության վերաբերյալ գնահատականը»,- ասել է Մաասիկասը։
Հիշեցնենք, որ ապրիլի 8-ին Եվրահանձնաժողովի նախագահ Ուրսուլա ֆոն դեր Լեյենը Ուկրաինա կատարած այցի ժամանակ երկրի իշխանություններին է հանձնել Եվրամիությանն անդամակցության հարցաթերթիկը։ Նախագահ Վլադիմիր Զելենսկին հայտարարել է, որ Կիևը կլրացնի նշված հարցաշարը մեկ շաբաթվա ընթացքում։
Իր հերթին, ԵՀ ղեկավարը խոստացել է, որ Ուկրաինայից ստացած հարցաշարի քննարկումը կտևի ոչ թե տարիներ, ինչպես միշտ եղել է, այլ մի քանի շաբաթ։ Նախարարների կաբինետն ակնկալում է, որ Ուկրաինան ԵՄ անդամակցության թեկնածուի կարգավիճակ ձեռք կբերի մինչև 2022 թվականի հուլիսը։
Տաթև Ֆռանգյան
