06.10.2026 | 10:07
Եղիշե Մելիքյանը՝ Չեռնոգորիայի հավաքականի հետ ոչ-ոքիի մասին. ՏԵՍԱՆՅՈՒԹ
Ուկրաինայի շուրջ 2000 քաղաքացի Հայաստան է եկել, նրանց մեծ մասն էթնիկ հայեր են․ Ավտոնոմով․ ՏԵՍԱՆՅՈՒԹ
Քաղաքականություն
14.04.2022 | 13:26
Մենք պաշտոնական տվյալներ ունենք, որ Ուկրաինայի շուրջ 2000 քաղաքացի Հայաստան է եկել, մինչև 75 մարդ էլ Հայաստանում փախստականի կարգավիճակ է խնդրել։ Այսօր հրավիրված ասուլիսում այս մասին ասաց ՀՀ-ում Ուկրաինայի գործերի ժամանակավոր հավատարմատար Դենիս Ավտոնոմովը՝ պատասխանելով Ուկրաինայում Ռուսաստանի սանձազերծած պատերազմի մեկնարկից ի վեր Հայաստան տեղափոխվածների թվային տվյալների մասին հարցին։
«Հայաստան ժամանած Ուկրաինայի քաղաքացիների ճնշող մեծամասնությունն էթնիկ հայեր են, որոնք այստեղ ինքնուրույն են լուծում իրենց բոլոր խնդիրները, մենք միայն փաստաթղթերի հարցով ենք օգնում»,- հավելեց նա։
Ըստ դիվանագետի՝ իրենց ուժերի սահմաններում փորձում են նաև այլ օգնություն ցուցաբերել Հայաստանի ուկրաինական համայնքի միջոցով, այդ թվում՝ կեցության վայր և աշխատանք գտնելու հարցում։
Մանրամասները՝ տեսանյութում։
