20.04.2026 | 16:27
Ըմբշամարտի ԵԱ․ Մանվել Խաչատրյանը և Մալխաս Ամոյանը դուրս են եկել կիսաեզրափակիչ․ ՏԵՍԱՆՅՈՒԹ
Ամեն օր սպասում ենք պատերազմի հաջորդ փուլի մեկնարկին․ այն ավելի արյունալի է լինելու․ Դենիս Ավտոնոմով․ ՏԵՍԱՆՅՈՒԹ
Քաղաքականություն
14.04.2022 | 13:41
Ուկրաինա օտարերկրյա պաշտոնյաների այցելություններ կլինեն, սակայն ոչ բոլորի մասին է հայտարարվում, ինչպես, օրինակ, Մեծ Բրիտանիայի վարչապետ Բորիս Ջոնսոնի այցի պարագայում՝ անվտանգության նկատառումներից ելնելով։ Այսօր հրավիրված ասուլիսում այս մասին ասաց Հայաստանում Ուկրաինայի գործերի ժամանակավոր հավատարմատար Դենիս Ավտոնոմովը՝ հիշեցնելով, որ նախօրեին էլ Կիևում էին Լեհաստանի և Բալթյան երկրների նախագահները։
Նրա խոսքով՝ Ուկրաինան զգալի օգնություն է ստանում՝ ֆինանսական և ռազմական։ Դիվանագետը հիշեցրեց Ուկրաինայի ԱԳ նախարար Դմիտրի Կուլեբայի հայտարարությանը, որ Կիևին հիմա երեք բան է պետք՝ զենք, զենք ու էլ զենք։
«Մենք արդեն խնդրում ենք ոչ միայն հակատանկային և հակաօդային պաշտպանության համար սպառազինություն, այլև ծանր զինտեխնիկա, որպեսզի հետ մղենք, վերադարձնենք մեր գրավյալ տարածքները»,- հավելեց նա։
Ըստ Դենիս Ավտոնոմովի՝ Ռուսաստանը ներկայում Դոնբասում հսկայական քանակությամբ սպառազինություն, զինծառայողներ, զինտեխնիկա է կենտրոնացրել։
«Ամեն օր սպասում ենք պատերազմի երկրորդ փուլի մեկնարկին։ Այդ հաջորդ փուլը, կարծում եմ, ավելի արյունալի է լինելու»,- նշեց ուկրաինացի դիվանագետը։
Մանրամասները՝ տեսանյութում։
