22.04.2026 | 23:30
ՀՀ տարածքում ավտոճանապարհները հիմնականում անցանելի են
Շանհայը՝ լոքդաունի տակ․ վարակման դեպքերը հասել են պիկին. ՏԵՍԱՆՅՈՒԹ
Քաղաքականություն
14.04.2022 | 13:30
Հինգշաբթի Չինաստանի ֆինանսական կենտրոն Շանհայը հաղորդել է ավելի քան 27․000 կորոնավիրուսային դեպքերի մասին՝ նոր հակառեկորդ սահմանելով։ Մեկ օր առաջ երկրի նախագահ Սի Ցզինպինը հայտարարել էր, որ երկիրը պետք է շարունակի խիստ «դինամիկ Covid մաքրման» քաղաքականությունը և համաճարակի վերահսկման միջոցառումները, գրում է NBC-ն:
Շանհայը պայքարում է Չինաստանում Covid-19-ի ամենավատ բռնկման դեմ՝ Ուհանում 2019-ի վերջին վարակի ի հայտ գալուց ի վեր։ Ընդ որում, քաղաքի 25 միլիոն բնակիչները հիմնականում շարունակում են արգելափակման մեջ մնալ, թեև այս շաբաթ որոշ տարածքներում սահմանափակումները մասամբ թեթևացվել են:
Չորեքշաբթի Չինաստանի Հիվանդությունների վերահսկման և կանխարգելման կենտրոնը (CDC) հրապարակել է տնային կարանտինի վերաբերյալ ուղեցույց: Սահմանված կոշտ կանոնների համաձայն՝ նույնիսկ առանց ախտանիշների մարդիկ պետք է կարանտին անցնեն կենտրոնացված հաստատություններում, որտեղ բազմաթիվ մարդիկ բողոքում են վատ պայմաններից:
Տաթև Ֆռանգյան
Լուսանկարը՝ Aly Song/Reuters
